Month: October 2017

ព្រះសង្ឃកម្ពុជាក្រោម២អង្គ ប្ដេជ្ញាទៅសិក្សានៅរុស្ស៊ី

ចំនេះដឹងគឺជារឿងដែលសំខាន់ណាស់សម្រាប់មនុស្សគ្រប់រូប។ ដូច្នេះព្រះសង្ឃកម្ពុជាក្រោមពីរព្រះអង្គគឺព្រះតេជគុណ ថាច់ វណ្ណា និងព្រះតេជគុណ សិរី វឌ្ឍនៈ ដែលត្រូវនិមន្តទៅសិក្សានៅទីក្រុងម៉ូស្គូ នៃសហព័ន្ធរុស្ស៊ី នៅថ្ងៃទៅ២០ ខែតុលា ឆ្នាំ២០១៧ខាងមុខនេះ រយះពេល១០ឆ្នាំ។ បានប្ដេជ្ញាថាព្រះអង្គទាំង២នឹងបញ្ចប់ថ្នាក់បណ្ឌិតវិទ្យាសាស្រ្តនយោបាយនៅទីនោះ។ ហើយត្រលប់មកប្រទេសកម្ពុជាវិញ ដើម្បីបង្កើតមជ្ឈមណ្ឌលសិក្សាមួយសម្រាប់ពលរដ្ឋខ្មែរក្រោមដែលភៀសខ្លួនមកកម្ពុជា ដើម្បីសិក្សារៀនសូត្រ។ ព្រះតេជគុណរំពឹងថា ពលរដ្ឋខ្មែរក្រោមនឹងមានបណ្ឌិតកាន់តែច្រើន ព្រោះមានតែចំណេះដឹងទេទើបអាចជាពន្លឺដល់ពលរដ្ឋខ្មែរក្រោមទាំងអស់គ្នា។ ជាងនេះទៅទៀតព្រះតេជគុណបញ្ជាក់ថា អ្វីគ្រប់យ៉ាងកើតឡើងក្រោយការមានចំណេះដឹងនោះទេ។ ដើម្បីជ្រាបកាន់តែច្បាស់សូមស្ដាប់កិច្ចសម្ភាសន៍រវាងកញ្ញាឈូក រ័ត្ន និងព្រះតេជគុណទាំង២ព្រះអង្គដូចតទៅ៖

អាជីវកម្ម តាមក្តីស្រម៉ៃ របស់តារា និងចាន់ថង

ជាទូទៅមានមនុស្សមិនច្រើនទេ ដែលហ៊ានយកថវិការបស់ខ្លួន ទៅប្រថុយ នឹងការរស់ស៊ី ព្រោះតែការងារទាំងនេះ ពិតជាមានហានិភ័យខ្ពស់ ជាងការធ្វើការងារឲ្យគេឆ្ងាយណាស់។ តែយ៉ាងណា តារា និង ចាន់ថង ដែលជាគូរស្វាមីភរិយាថ្មី ពួកគេ បានយកថវិកាដែលសេសសល់ពីការរៀបអាពាហ៍ពិពាហ៍ទាំងប៉ុន្មាន យកទៅវិនិយោគលើអាជីវកម្ម ដែលជាក្តីស្រម៉ៃរបស់ខ្លួន។ រាយការណ៍បន្ថែមដោយកញ្ញា រីតា

ម្លិះជួយឲ្យអ្នកភូមិកោះក្របី មានជីវភាពសមរម្យ មិនធ្វើចំណាកស្រុក

អ្នកភូមិកោះក្របី១ សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ ស្ទើតែគ្រប់ផ្ទះទៅហើយ គឺសុទ្ធតែមានដាំផ្កាម្លិះទាំងអស់។ រហូតដល់ប្រជាជននៅខេត្តកណ្ដាល ឲ្យឈ្មោះថា កោះក្របី គឺជាតំបន់មានផ្កាម្លិះច្រើនជាងគេនៅកម្ពុជា។ ដោយសារតែមានការដាំដុះផ្កាម្លិះច្រើន ប្រជាជននៅតំបន់នេះ មិនសូវធ្វើចំណាកស្រុកច្រើននោះទេ ព្រោះដំណាំផ្កាម្លិះនេះ តែងតែមានទីផ្សារ ហើយតម្លៃក៏សមរម្យផងដែរ។ ពោលគឺមិនចុះទាបខ្លាំងនៅពេលរដូវសំបូរផ្កាឡើយ។ ដូច្នេះទើបប្រជាពលរដ្ឋនៅទីនេះរំពឹងថា ផ្កាម្លិះនឹងមានស្ថេរភាពក្នុងទីផ្សារ ព្រមជាមួយការរក្សានូវតម្លៃដ៏សមរម្យមួយ។ រាយការណ៍បន្ថែមដោយកញ្ញា ឈូក រ័ត្ន៖

បទសំភាសន៍៖ ព្រះតេជគុណ ដាវ ទេព ជីវិត២ឆ្នាំ ក្នុងពន្ធនាគារកម្ពុជា

ថ្ងៃនេះ កញ្ញា រីតា អ្នកយកព័ត៌មានវិទ្យុខ្មែរក្រោមអភិវឌ្ឈន៍ នឹងនាំអារម្មណ៍លោកអ្នកនាងស្តាប់បទសំភាសន៍ ជុំវិញការរស់នៅក្នុងពន្ធនាគារកម្ពុជា អស់រយៈពេល ២ឆ្នាំ របស់ព្រះតេជគុណ ដាវ ទេព ដែលត្រូវបានអាជ្ញាធរកម្ពុជាចាប់ផ្សឹក និងដាក់ពន្ធនាគារ ពីបទប្រើប្រាស់សារធាតុញៀញ ស្ថិតក្នុងវត្តអង្គតាមិញ ខណ្ឌពោធិ៍សែនជ័យ។

រឿងរ៉ាវរបស់ស្ត្រីខ្មែរក្រោមមួយរូប ដែលបានភៀសខ្លួនមកនៅកម្ពុជាជិត ៥០ឆ្នាំ

បើទោះបី មានពលរដ្ឋខ្មែរក្រោមមួយចំនួន ដែលបានរត់ភៀសខ្លួនមកកម្ពុជា ទទួលបានជីវភាពរស់នៅល្អប្រសើរ ហើយខ្លះទៀតបានទៅរស់នៅប្រទេសទី ៣ ប៉ុន្តែមនុស្សមួយចំនួនធំមិនមានវាសនាដូចពួកគេឡើយ។ ជាក់ស្តែង ស្ត្រីខ្មែរក្រោមមួយរូប ដែលបានរត់ភៀសខ្លួនពីវៀតណាម អតីតដែនដីកម្ពុជាក្រោម ហើយរស់នៅកម្ពុជាជិត ៥០ឆ្នាំមកនេះ បានជួបភាពជូចត់ជាច្រើន។ ដើម្បីជ្រាបច្បាស់រឿងនេះ សូមស្តាប់កញ្ញា រីតា រាយការណ៍ដូចតទៅ៖